Պատմական ակնարկ

ՀԽՍՀ պրոֆ. տեխնիկական կրթության պետական կոմիտեի 1970թ. հուլիս ամսին կայացած որոշման համաձայն Արտաշատ քաղաքում ստեղծվել է Արտաշատի թիվ 4 պրոֆ. տեխնիկական ուսումնարանը:
1984թ. այն վերակազմավորվել է Արտաշատի թիվ 55 ՄՏՈՒ-ի, իսկ ՀՀ կառավարության 10.10.2002թ. թիվ Ա1621-Ա որոշմամբ՝ Արտաշատի պետական քոլեջի:
2007թ. ՀՀ վարչապետի հանձնարարությամբ ստեղծված միջգերատեսչական հանձնաժողովի որոշմամբ Քոլեջը մրցութային կարգով ընդգրկվել է Եվրոպական Միության բյուջետային աջակցության ծրագրով նախատեսված 12 բազմագործառույթային քոլեջների ցանկում և ՀՀ կառավարության 03.03.2011թ. N 199-Ն որոշմամբ վերանվանվել է «Արարատի տարածաշրջանային պետական քոլեջ» ՊՈԱԿ-ի /այսուհետ Քոլեջ/:
Հիմնադրման օրվանից Քոլեջի գործունեությունն ուղղված է եղել միջին մասնագիտական և նախնական մասնագիտական /արհեստագործական/ կրթությամբ որակյալ մասնագետների և արհեստավորների պատրաստմանն ու աշխատաշուկայում նրանց մրցակցության բարձրացմանը, կրթական ծրագրերի համապատասխանեցմանը երկրի և մարզի սոցիալ-տնտեսական զարգացման պահանջներին, ուսումնական գործընթացի թափանցիկության, ինչպես նաև մատչելիության և հավասարության ապահովմանը: Քոլեջն իր գործունեության ընթացքում պատրաստել է ավելի քան 1200 մասնագետներ և արհեստավորներ, ովքեր իրենց ուրույն տեղն են գտել տնտեսության պետական և մասնավոր տարբեր ոլորտներում: